şedevr sözlük istifadə qaydaları və sözləşmə

1. sözlükdə yazılan “entry”lər azərbaycan dilində olmalıdır. yazar sözlükdə yazdığı yazının tamamında başqa dildən istifadə etməkdən, azərbaycan dilindən çox başqa dilə yer verməsindən qaçınmalıdır. sözlükdə yazarkən azərbaycan dili şriftləri zəruri deyil, ancaq azərbaycan dili şriftlərindən istifadə etmək tövsiyə olunur;

2. sözlüyün əsas məqsədindən xaricə çıxmaq, yəni sözlüyü bilgi üçün yox, forum, çat, başqasının “entry”sinə cavab yazmaq üçün istifadə etmək - sözlük funksiyası olan cavab nəzərdə tutulmur- sözlük formatını pozur. əlbəttə, sözlük sadəcə bilgi paylaşacağınız yer deyil. burada siz öz etiraflarınızı ((bbax:şedevr etiraf)), günlüklərinizə qeydlər apara ((bbax: şedevr günlük)), özünüzün sevdiyi mahnıları paylaşa bilərsiniz, lakin yuxarıda qeyd edilmiş çərçivəyə girərsə (formatı pozacaq şəkildə trolluq etmək, çata çevirmək, cavab yazmaq), uyğun olaraq 5-ci, 6-cı bəndlər səbəbi ilə “entry"niz silinə bilər. xatırlatmaq istəyirik ki, sözlük hansısa başlığın altında çatlaşmaq üçün yer deyil. hər birinin özünəməxsus istifadə qaydası var;

3. sözlükdə hesab silmək, hesab adı dəyişdirmək mümkün deyil. qeydiyyatdan keçərkən nəzərə almalısınız ki, sözlükdə seçdiyiniz nik sizin sözlükdə yazar olduğunuz müddətcə daimi nikiniz olaraq qalacaqdır, buna görə də nik seçərkən diqqət göstərmənizi arzu edirik;

4. sözlük hesabı satmaq, satışa çıxartmaq bu və digər şeylər yolverilməzdir. belə bir hal ilə qarşılaşdığımızda hesabınızın taleyi heç də yaxşı olmayacaqdır;

5. əgər “entry”ləriniz “şedevr sözlük” qaydalarına uyğun olmazsa, yaxud hüquqi cəhətdən problem yarada biləcək bir “entry” olarsa, “entry”niz silinə bilər;.

6. əgər “entry”niz formata uymursa, qeyd edilmiş müddəalarla əks-mövqedə durursa, heç bir səbəb göstərmədən “entry”nizi silə bilər, yazarlığınızı ala bilər, sözlükdən uzaqlaşdıra bilərik;

7.“şedevr sözlük” sizin mesajlarınızdan, özünüzün başqa yazarla yaradacağı konfliktdən - şəxsi məsələlərinizdən məsuliyyət daşımır, yəni mesajların məsuliyyəti sizə aiddir;

7.1Əgər konflikt zamanı yazara ağır təhqir olunubsa, idarə heyətinin alacağı qərarla yazarı müəyyən müddətlik sözlükdən uzaqlaşdıra bilərik;

8. üzv olmaq üçün siz saytdan qeydiyyatdan keçməlisiniz, həmçinin bu qaydaları oxuduğunuzu qəbul etmiş sayılırsınız. yazar olmaq üçün isə siz 10 “entry” yazıb moderatorlar tərəfindən təsdiqlənmənizi gözləməlisiniz. Əgər yazdıqlarınız formata yaxındırsa, daha tez də yazar ola bilərsiniz;

9. “şedevr sözlük” sözlükdə yazar olmaq üçün yaş limitindən istifadə edir. belə ki, yaşı iyirmidən (20-dən) az olan şəxslərin yazar olmasına icazə verilmir. nəzərə almalısınız ki, bu qaydaları qəbul edərkən yaşınızın iyirmi (20) olduğunu təsdiqləmiş sayılırsınız.
-anonimlik:

10. “şedevr sözlük” bütün yazarların anonimliyini qoruyur, heç bir halda sözlük yazarlarının şəxsi - özü haqqında qeyd etdiyi məlumatları 3-cü şəxslə paylaşmayacağı güvəncəsini verir;

11. sözlükdəki hesab bilgiləriniz yalnız hüquqi prosedurlar zamanı paylaşıla bilər. belə ki, açıla biləcək hər hansı hüquqi məsələlərdə hesabınızın bilgiləri istənilərsə, “şedevr sözlük” bu bilgiləri yalnız dövlət strukturları və hüquq-mühafizə orqanları ilə bölüşə bilər;

12. sizə verilən anonimlik sözlükdə yazar olarkən daha rahat yazmanız üçün verilmişdir. gizlilik sizə kimisə təhqir etmək hüququ vermir, yəni anonimlikdən sui-istifadə etməməyə çalışın.
-təhqir:

13. sözlükdə dövlət orqanlarına, iş adamlarına, habelə yazarların nikaltılarında onlara təhqir etmək, haqlarında düzgün olmayan ifadələr işlətmək yolverilməzdir. belə hal olarsa, “entry” yayımdan moderatorlar tərəfindən götürülə bilər;

13.1“yazar” statusuna malik olan şəxslərin yazdıqları “entry”lər hansısa yoxlanışdan keçmədən paylaşıldığı üçün “şedevr sözlük” yazılan “entry”lərin doğruluğuna zəmanət vermir;


12-ci maddədə də qeyd edildiyi kimi, sizə verilən anonimlikdən sui-istifadə edib başqalarını alçaltmaq, onların dini, mənəvi inanclarına, habelə paylaşdığı başlıqlara, o cümlədən onları sözlükdən soyudacaq tərzdə əməlləriniz yolverilməzdir. hər bir yazar sözlük üçün önəmlidir. bu səbəbdən yazarların başlığında kiməsə, yaxud bir-birinə təhqir etməsi yol verilməzdir. belə halda hər iki yazar sözlük heyəti tərəfindən qəbul ediləcək qərarla aqibətləri bəlli olacaq;

14sözlükdə kiməsə təhqir etmək olmaz, lakin söyüşlə özünüifadə etmək mümkündür.
-müəllif hüquqları

15.şedevr sözlük” yazarlarının bütün hüquqlarını qoruyur, onların “entry”lərinin icazəsiz götürülüb başqa platformda paylaşmasına icazə vermir;

16.sözlükdə paylaşdığınız bütün “entry”lərin müəllif hüquqları sizə aiddir, yazdığınız “entry” sizin məsuliyyətiniz altındadır. yazılarınızı başqa platformalarda paylaşa, orada öz “entry”nizi istədiyiniz tərzdə istifadə edə bilərsiniz, lakin sözlüyü qaynaq olaraq göstərməlisiniz;

17. “entry”ləriniz sözlüyün instaqram, feysbuk və digər sosial şəbəkələrində, həmçinin sözlüyün inkişafı üçün “şedevr sözlük” tərəfindən başqa platformalarda da istifadə oluna bilər. İstifadə edərkən “entry”nin bir qisminin senzuraya uğraması mümkündür (təhqir, söyüş olarsa) paylaşılan məkanlarda yazarın sözlük nikinin qeyd edilməməsi istisna hal deyil;
-gizlilik

18.hesabınızın şifrəsinin güclü olduğundan əmin olmalısınız. sözlük sizin hesabınızın oğurlanmasından məsuliyyət daşımır. bu səbəbdən tövsiyə olunur ki, quqlun (“google”) təklif etdiyi şifrələrdən istifadə edəsiniz.
hesabınız oğurlandıqda, yəni şifrəsi və poçt ünvanı dəyişdirildikdə sözlüyün instaqram hesabına (“sedevrsozluk”), yaxud imeylinə (info@sedevr.com) yazmağınız tövsiyə olunur. bunun üçün tələb olunan şeylər: hesabınızın niki, ən son qoyduğunuz şifrə, sözlükdəki imeyliniz;

19. sizin istifadəçi bilgiləri (yazarın topladığı bəyəni sayı, ən çox izlənən yazar olması və s. kimi bilgilər) sözlüyün inkişafı naminə istifadə edilməsi mümkündür. paylaşılan məkanlarda sizin gizliliyinizin tamamilə qorunacağına “şedevr sözlük” güvəncə verir.

-yazarın sözlükdən qovulması, onun yazarlığının əlindən alınması;

20.yuxarıda qeyd edilmiş qaydaları ilk dəfə pozduğunuz halda siz sözlük heyəti tərəfindən xəbərdar olunacaqsınız. lakin növbəti dəfə həmin əməl təkrarlanarsa, yazarlığınız əlinizdən alınması mümkündür. sözlük sizə 3 dəfə şans verir, bu şansı yaxşı dəyərləndirməyiniz tövsiyə olunur;

21.sözlük qaydalarını, o cümlədən sözlük formatını dəfələrlə pozsanız, yaxud bir dəfədə bir neçə qaydanı eyni anda pozsanız, sizin yazarlıq statusu əlinizdən alınacaq. əgər qaydanı pozsanız (səhv “entry” nümünəsi, yaxud yuxarıda qeyd edilmiş 2-ci, 12-ci, həmçinin 13-cü müddəanı)əvvəlcə moderatorlar tərəfindən xəbərdarlıq ediləcək, səhvinizi təkrarladığınız halda yazarlıq statusu formatı öyrənənə qədər əlinizdən alınacaqdır;

21.1. yazarın yazarlığı əlindən alındığı təqdirdə açıqlama vermək kimi məcburiyyətimiz yoxdur. Əgər qovulubsa, sözlükdəki qaydalardan xaricə çıxdığı mənasına gəlir;

22. 12-ci maddədə də qeyd edildiyi kimi, sizə verilən sözlük funksiyalarından sui-istifadə etmək, yəni yersiz şəkildə trolluq etmək, sözlüyü öz çıxarları naminə işlətmək – feyk hesab açıb özünə favori, “up vote” atmaq. bu tərz işlə məşğul olanlar müəyyənləşdiriləcək və sözlükdən birbaşa uzaqlaşdırılacaqdır;

23. 11-ci maddəni kobud şəkildə pozmaq – fikir bildirməkdən çox yersiz şüvənlik etmək, təhqirə keçmək, təhqiri özünüifadə üçün yox, alçatmaq üçün istifadə etmək yolverilməzdir. bu sizin yazarlığınızın əlinizdən almasına başlıca səbəbdir;

24. sözlükdə hər hansı səhifənin reklamını etmək, sözlük yazarlarını oraya təşviq etmək yolverilməzdir. sözlük sizin şəxsi fikirlərinizi bölüşə biləcəyiniz bir platformdur, hansısa saytı reklam etmək yeri deyil. saytda hər hansı şirkət haqqında, sayt haqqında, səhifə haqqında fikir bildirməkdə sərbəstiniz, lakin bunu reklam xarakterli etmək qaydalarımıza ziddir.



Sonuncu dəyişiklik 12 avqust 2021 tarixində olmuşdur.